Pelosi konqresmenlərin Baydenə İsrailə silah verilməsini dayandırmaq çağırışına qoşulub.
İnterpress.az xəbər verir ki, bu barədə “The Times of Israel” məlumat yayıb. Nəşr yazır ki, keçmiş spiker Nensi Pelosi 37 Demokrat konqresmenin Baydenə Amerika silahlarının İsrailə təhvil verilməsini dayandırmaq çağırışına qoşulub.
Pelosi də daxil olmaqla Konqresin bir neçə onlarla Demokrat üzvü ABŞ prezidenti Co Baydenə və dövlət katibi Entoni Blinkenə İsrail ordusunun Qəzza zolağında yeddi nəfərin ölümü ilə nəticələnən zərbəsindən sonra İsrailə silah satışını dayandırmağa çağıran məktub göndərib.
“The Times of Israel” yazır ki, bu hücum nəticəsində Dünya Mərkəzi Mətbəxinin yeddi əməkdaşı, o cümlədən ABŞ və Kanadanın ikili vətəndaşlığı olan bir nəfər həlak olub.
Xuraman Etibarlı
İnterpress.az
