ABŞ-da məktəblilərin davası faciə ilə bitib: 2 yeniyetmə ölüb, 5 nəfər yaralanıb.
İnterpress.az xəbər verir ki, bu barədə “ABC News” məlumat yayıb.
ABŞ-nin Şimali Karolina ştatının Uinston-Seylem şəhərindəki parklardan birində silahlı insident baş verib.
Məlumata görə, yeniyetmələr arasında planlaşdırılan dava qısa müddətdə atışmaya çevrilib.
Hadisə nəticəsində 16 və 17 yaşlı iki yeniyetmə dünyasını dəyişib.
Yaralanan beş nəfərin yaşının 14 ilə 19 arasında olduğu bildirilir ki, onların da dördü qızdır.
Xuraman Etibarlı
İnterpress.az
