Təhsil Nazirliyi işğaldan azad olunmuş ərazilərdə məktəb tikintisi ilə bağlı layihələri açıqlayıb.
İnterpress.az xəbər verir ki, bu barədə Təhsil Nazirliyinin ictimaiyyətlə əlaqələr sektorunun müdiri Cəsarət Valehov məlumat paylaşıb.
Qeyd edilib ki, Şuşa və Ağdam şəhərində 960 yerlik məktəblərin tikinti işləri davam etdirilir. Zəngilanın Ağalı kəndində həyata keçirilən “Ağıllı kənd” layihəsi çərçivəsində 288 şagird yerlik tam orta məktəb inşa olunur.
Cəbrayıl və Füzulidə 960 şagird yerlik tam orta məktəbin tikintisinin, Suqovuşan qəsəbəsində 144 şagird yerlik məktəbin əsaslı təmirinin layihə-smeta sənədləri hazırlanır.
