Türk milliyyətçi təşkilatı olan Ülkü ocaqlarının Mersin təşkilatının sabiq sədri Çağrı Ünel bankamatdan pul çıxararkən hücuma məruz qalıb.
İnterpress.az xəbər verir ki, 4 nəfər Çağrı Ünelə bıçaqla hücum çəkərək onu yaralayıb.
Hücuma məruz qalan sabiq təşkilat sədri hücumçulara silahından atəş açıb.
Atəş nəticəsində hücumçulardan E.K. adlı şəxs hadisə yerində, daha bir nəfər isə çatdırıldığı xəstəxanada ölüb, 2 nəfər yaralanıb.
Hücumçulardan birinin hadisəni çəkdiyi məlum olub. Həmən videonun polisdə olduğu bildirilib.
Hücum siyasi sferada yaşanan gərginlik nəticəsində sifariş ilə törədildiyi iddia edilir.
Qeyd edək ki, Çağrı Ünel Azərbaycan Turan Partiyasının sədri Cahandar Bayoğlunun kürəkənidir.
