İnvestorların Yaxın Şərqdən gələn xəbərləri izləməsi fonunda neft qiymətləri cüzi dəyişib.
İnterpress.az “İnterfaks”a istinadən xəbər verir ki, Londonun “ICE Futures” birjasında “Brent” markalı neftin mart fyuçerslərinin qiyməti 1 barel üçün 78,21 ABŞ dolları təşkil edib və bu da əvvəlki sessiyanın yekun qiymətindən 0,08 % çoxdur.
Nyu-York əmtəə birjasında “WTI” markalı neftin fevral fyuçersləri 0,26 % ucuzlaşaraq 1 barel üçün 72,49 ABŞ dolları olub.
