Burundinin qərbindəki Cibitoke əyalətində silahlı qrupun hücumu nəticəsində 9 nəfər həyatını itirib.
Bu barədə interpress.az xarici mediaya istinadən xəbər verir.
Milli mətbuatda yer alan xəbərlərə görə, Qanunun Aliliyi Uğrunda Müqavimət Hərəkatı (Qırmızı-TABARA) adlı üsyançı qrup Cibitoke əyalətinin Burinqa şəhərinə hücum edib.
Hücumda 6 qadın və 3 əsgər həyatını itirib, yaralanan 5 mülki vətəndaş isə bölgə xəstəxanalarına aparılıb.
24 dekabr 2023-cü ildə Bujumbura əyalətinin Qatumba kəndində RED-TABARA adlı qrupun hücumu nəticəsində 20 mülki vətəndaş həyatını itirib.
Əvvəlki prezident Pyer Nkurunzizanın 3-cü dövr prezidentliyə namizədliyinə etiraz edən burundililərin qurduğu QIRMIZI-TABARA hərəkatı ölkədə demokratik, azad, əhatəli və şəffaf seçkilər keçirilənə qədər mübarizəsinin davam edəcəyini bildirir.
