Milli Məclisin deputatı Ramil Həsən “ARB 24” televiziyasının efirində canlı yayımlanan “Gündəm” proqramının qonağı olub.
İnterpress.az xəbər verir ki, “Antalya Diplomatiya Forumu: Ərdoğan Rusiya-Ukrayna probleminin qarşılıqlı həllində maraqlıdır” mövzusuna həsr olunan verilişdə deputat sualları cavablandırıb.
Həmçinin forumu analitik təhlil edib.
Millət vəkili Ramil Həsən deyib: “Bu forum 3000-dən çox iştirakçı əhatə edən, Dünya liderlərinin, prezidentlərinin, Baş nazirlərin, hökümət nümayəndələrinin, Beynəlxalq təşkilatların və ümumilikdə 75 ölkənin nümayəndəsinin iştirakı və bilavasitə Rusiya-Ukrayna münasibətləri ilə bağlı müzakirələrin böyük bir platforma olaraq keçirildiyi Diplomatik məkandır.
Yüksək səviyyədə 3 gün davam edən bu forumda bir çox istiqamətlərdəki mövzuların içərisində ən əsas və önəmli istiqamətlərdən biri də Rusiya-Ukrayna arasında mövcud münaqişə, eyni zamanda münaqişənin diplomatik yollarla həlli istiqamətində müzakirələr əsas predmetlərdən biri olmuşdur”.
Deputatın forum haqqında əlavə fikirlərini aşağıdakı linkdən izləyə bilərsiniz:
