Filippində güclü yağışların səbəb olduğu daşqınlar nəticəsində azı 44 nəfər ölüb, daha 28 nəfər itkin düşüb.
Bu barədə İnterpress.az xarici mediaya istinadən xəbər verir.
Bildirilib ki, daşqınlar ölkənin 10 rayonunda 509,3 mindən çox insana ziyan vurub.
Hazırda 15,8 min məcburi köçkün 151 təxliyyə mərkəzindədir. Azı 1,42 min nəfər əvvəlcədən evlərini tərk edib, 12 nəfər müxtəlif xəsarətlər alıb. Respublikanın 9 rayonunda sel və torpaq sürüşmələri daxil olmaqla, 434 təbii fəlakət hadisəsi qeydə alınıb.
Bununla yanaşı, təbii fəlakət 4,5 min evə ziyan vurub. Ölkənin 67 şəhər və 71 bələdiyyəsinin təhsil müəssisələrində dərslər və müəssisələrdə iş dayandırılıb. 20 yaşayış məntəqəsində fövqəladə vəziyyət rejimi tətbiq edilib.
