Domodedovo şirkətlər qrupunun bütün aktivləri həbs edilib.
İnterpress.az xəbər verir ki, bu barədə Rusiya mediası məlumat yayıb. Bildirilir ki, Domodedovo şirkətlər qrupunun bütün aktivləri həbs edilib. Hava limanı Qərbin təsiri altına düşüb.
Moskva vilayətinin Arbitraj Məhkəməsi Şirkətlər Qrupunun bütün əmlakına, həmçinin “Domodedovo”nun sahiblərinə aid olan hüquqi şəxslərə: Dmitri Kamenşçik və Valeri Koqana məxsus səhm və paylara məhdudiyyətlər qoyub.
Prokurorluğun məlumatına görə, Kamenşçik və Koqanın hərəkətləri səbəbindən Domodedovo xarici təsir altına düşüb. Meyson Türkiyə və BƏƏ, Koqan isə İsrail sakinidir.
2021-ci ildən 2023-cü ilə qədər kreditlərin qaytarılması adı altında hava limanının mənfəətindən xaricə 18 milyard rubl (təxm. 311 milyon 204 min man) köçürüblər.
Bundan əlavə, Domodedovo səhmlərinin 90%-nin faktiki ortaq sahibləri Kamenşçiklə birlikdə Hollandiya və İspaniya vətəndaşları idi.
Xuraman Etibarlı
İnterpress.az
