İraq Kürdüstanı Prezidenti Neçirvan Bərzani rəsmi səfərlə Türkiyəyə gedib.
İnterpress.az xəbər verir ki, bu barədə Türkiyə mediası məlumat yayıb.
Ankarada o, Türkiyənin xarici işlər naziri Hakan Fidan ilə görüşüb.
Tərəflər iki ölkə arasındakı münasibətləri müzakirə edib və qarşılıqlı maraq doğuran məsələlərin həlli üçün regional koordinasiyanın, xüsusilə də regionda sabitliyin təmin edilməsinin vacibliyini vurğulayıblar
Türkiyə XİN-in məlumatına görə, səfər çərçivəsində Bərzani bu gün həmçinin Türkiyə Prezidenti Rəcəb Tayyib Ərdoğan tərəfindən qəbul ediləcək.
Xuraman Etibarlı
İnterpress.az
