İsrail Kiyevə hərbi yardım göstərmir.
İnterpress.az xəbər verir ki, bu barədə İsrailin Kiyevdəki səfiri Brodski “Azadlıq” radiosuna müsahibəsində bildirib.
İsrail Ukraynanı dəstəkləyir, lakin “müxtəlif səbəblərdən” Kiyevə hərbi dəstək vermir.
O qeyd edib ki, İsrail “Rusiyanın təcavüzünü” pisləsə də, öz təhlükəsizliyinin maraqları naminə Rusiya ilə münasibətlərini davam etdirir. Və səfirin iddia etdiyi kimi, bu, beynəlxalq normalara zidd deyil.
Brodskinin sözlərinə görə, İsrail Rusiyaya qarşı sanksiyalara qoşulmasa da, onlardan yan keçmir. Əksinə, “Rusiyaya qarşı ümumi Qərb siyasətinə və Ukraynadakı müharibəyə uyğun hərəkət edir”.
O, həmçinin qeyd edib ki, İsrail həmişə və istənilən vəziyyətdə öz maraqlarından çıxış edir.
Xuraman Etibarlı
İnterpress.az
