İstanbulda “Azərbaycan Respublikası Hökuməti və Türkiyə Respublikası Hökuməti arasında ailə, qadın və uşaq məsələləri üzrə siyasət sahəsində Əməkdaşlıq Protokolu ilə bağlı Fəaliyyət Planı” imzalanıb.
Bu barədə İnterpress.az-a Ailə, Qadın və Uşaq Problemləri üzrə Dövlət Komitəsinin sözçüsü Teymur Mərdanoğlu məlumat verib.
Onun sözlərinə görə sənədi ölkə Prezidentinin Sərəncamı ilə Azərbaycan Respublikası Hökuməti adından Ailə, Qadın və Uşaq Problemləri üzrə Dövlət Komitəsinin sədri Bahar Muradova, Türkiyə tərəfindən isə ölkənin Ailə və Sosial Xidmətlər naziri Dərya Yanık imzalayıb.
