Türkiyədə kafedə işləyən robot-ofisiant pilləkəndən yıxılıb.
İnterpress.аz xəbər verir ki, bu barədə Türkiyə KİV məlumat yayıb.
Türkiyənin Amasya vilayətində yerləşən kafelərdən birində qeyri-adi və maraqlı hadisə qeydə alınıb.
Müştərilərə xidmət göstərmək üçün proqramlaşdırılan robot-ofisiant hərəkət zamanı müvazinətini qoruya bilməyərək pilləkəndən yıxılıb.
Hadisə nəticəsində bahalı texnoloji avadanlığa ciddi maddi ziyan dəydiyi bildirilir.
Robotun daxili sensorlarının hansı səbəbdən pilləkəni vaxtında fərq edə bilmədiyi və yıxıldığı hələlik tam bəlli deyil.
Məkanda dincələn müştərilər tərəfindən böyük maraq və təəccüblə qarşılanan bu hadisə həm də sosial şəbəkələrin Türkiyə seqmentində geniş müzakirələrə yol açıb.
Kafenin rəhbərliyi süni intellektli robot-ofisiantın bərpası üçün texniki servis xidmətinə müraciət edib.
Xuraman Etibarlı
İnterpress.аz
