Azərbaycan Rus İcması Ukraynanın Rusiya tərəfindən işğal olunmasını dəstəkləyən bəyanat yayıb.
İnterpress.az xəbər verir ki, rus dilində dərc olunan bəyanatda Rusiyanın Ukraynaya hücumlarına dəstək nümayiş olunur.
Bəyanat Azərbaycan Rus icmasının sədri, Milli Məclisin deputatı Mixail Zabelinin adından yayılıb.
İcmanın bəyanatı Azərbaycan ictimaiyyətində birmənalı qarşılanmayıb.
M.Zabelinə Azərbaycan Parlamentinin deputatı olduğunu xatırladan ictimaiyyət nümayəndələri onu 44 günlük Vətən muharibəsində Azərbaycanın milli maraqlarından bir kəlmə belə danışmamaqda, eləcə də özünü Rusiya dumasının deputatı hesab etməkdə ittiham ediblər.
Bununla yanaşı, deputat sosial şəbəkə fəalları tərəfindən sərt tənqid olunub.
