Bu gün bəzi dərman preparatlarının satışda olmaması narazılıq yaradıb. Bu dərmanlardan biri də “Nurofen”in həm kapsul, həm suspenziya, həm də həblərinin satışda olmamasıdır.
Mövzu ilə bağlı pediatr Vaqif Qarayev İnterpress.az-a açıqlamasında bildirib ki, bu gün ölkədə dərman qıtlığını yaşanmasında dünyada baş verən proseslərin rolu danılmazdır:
“Doğrudur, son vaxtlar nurofenlə bağlı narahatlıqlar artıb. Çünki dünyada gedən bahalaşma dərman bazarına da təsir edib və qiymətlər hiss olunacaq dərəcədə artıb. Rusiya-Ukrayna müharibəsi ölkədə dərman qıtlığına səbəb olub. Bu problemlər Gürcüstanda da yaşanır.. Lakin orada hökumət bu ilin yanvar ayından Türkiyə preparatlarının idxalına start verdi. Qiymət fərqi isə Avropa qiymətlərindən 60-80 faiz ucuzdur. Azərbaycanda da türk preparatları satılır, lakin qiymətini hamı bilir. Azərbaycan dərman istehsal etmədikcə, çətinliklər qaçılmaz olacaq”.