Qəzzada HƏMAS-ın Nuhba xüsusi bölməsinin komandiri zərərsizləşdirilib.
İnterpress.az xəbər verir ki, bu barədə İsrail ordusunun mətbuat xidməti məlumat yayıb.
İsrail ordusu və Ümumi Təhlükəsizlik Xidməti (ŞABAK) Qəzza zolağının cənubundakı Xan-Yunisdə HƏMAS-ın Nuhba xüsusi bölməsinin komandiri Mahmud Marşad əl-Kadini zərbə nəticəsində zərərsizləşdirib.
Məlumata görə, əl-Kadi 2023-cü il oktyabrın 7-də İsrailin cənubuna hücum zamanı sərhəd postuna edilən hücuma rəhbərlik edib.
O, həmçinin girovların Rəfah bölgəsində saxlanılmasında iştirak edib.
Bildirilib ki, əl-Kadi HƏMAS silahlılarının hazırlanmasına rəhbərlik edib və təşkilatın döyüş qabiliyyətinin bərpası ilə məşğul olub.
Xuraman Etibarlı
İnterpress.az
