Vilnüsdə Litva, Latviya, Estoniya, Polşa və Ukrayna liderlərinin xarici siyasət və təhlükəsizlik məsələləri üzrə müşavirlərinin görüşü keçirilib.
Bu barədə Litva Prezidentinin mətbuat xidməti məlumat yayıb.
Qeyd olunub ki, danışıqlar zamanı tərəflər NATO qüvvələrinin regionda mövcudluğunun gücləndirilməsi məsələsini gündəmə gətiriblər və regional hava hücumundan müdafiə sisteminin gücləndirilməsinin zəruriliyini vurğulayıblar.
Görüş zamanı Baltikyanı ölkələr, Polşa və Ukrayna başçılarının müşavirləri gələn ilin yayında Litvada keçirilməsi nəzərdə tutulan NATO sammiti ilə bağlı arzularını bildiriblər.
