Novruz bayramı ilə əlaqədar 8 gün ardıcıl qeyri-iş günü olacaq.
İnterpress.az apa-ya istinadən xəbər verir ki, Nazirlər Kabinetinin “2022-ci il üçün Novruz, Ramazan və Qurban bayramları günlərinin müəyyən edilməsi haqqında” qərarına əsasən, 2022-ci il martın 20, 21, 22, 23, 24-ü Novruz bayramıdır.
Martın 20-i bazar gününə təsadüf etdiyi üçün Əmək Məcəlləsinə əsasən iş və istirahət günlərinin yeri dəyişdiriləcək, 25 mart qeyri-iş günü olacaq.
Beləliklə, 26 və 27 mart tarixləri də şənbə-bazar gününə təsadüf etdiyi üçün Novruz bayramı ilə əlaqədar 8 gün ardıcıl (20, 21, 22, 23, 24, 25, 26 və 27 mart) iş olmayacaq.
Qeyd edək ki, daha əvvəl Dövlət Əmək Müfəttişliyi Xidməti Novruz bayramı ilə bağlı ardıcıl 9 gün qeyri-iş günü olacağı barədə açıqlama yaymışdı. Qeyd olunmuşdu ki, 19, 26 və 27 mart tarixləri də şənbə və bazar günlərinə təsadüf etdiyi üçün Novruz bayramı ilə əlaqədar 9 gün ardıcıl (19, 20, 21, 22, 23, 24, 25, 26 və 27 mart) iş olmayacaq.
