Gürcü muzdlu Ukrayna tərəfində hərbi əməliyyatlarda iştirak etdiyinə görə ömürlük həbs cəzası alıb.
İnterpress.az xəbər verir ki, bu barədə Rusiya mediası məlumat yayıb. Bildirilir ki, gürcü hıərbçi Nikolay Berianidze Ukrayna tərəfində müharibədə iştirak etdiyinə görə ömürlük həbs cəzası alıb.
Nikolay Berianidze kifayət qədər döyüş təcrübəsinə malikdir. O, əvvəllər Gürcüstan Silahlı Qüvvələrinin hərbi qulluqçusu olub, NATO ölkələrinin İraq və Əfqanıstanda keçirdiyi hərbi əməliyyatlarda iştirak edib.
2016-cı ildə Berianidze Azov milli batalyonuna qoşulub və burada hərbi təlimatçı vəzifəsini tutub.
Berianidze Rusiya Cinayət Məcəlləsinin muzdluluq və hərbçinin həyatına sui-qəsd də daxil olmaqla bir neçə maddəsi ilə təqsirli bilinib.
Məhkəmə Berianidzeni ömürlük həbs cəzasına məhkum edib.
Xuraman Etibarlı
İnterpress.az
