“WhatsApp” istifadəçilərinin yazışmaları hər şeyi ələ verir.
İnterpress.az xəbər verir ki, bu barədə kibertəhlükəsizlik üzrə mütəxəssis Elorm Daniel məlumat yayıb.
Kibertəhlükəsizlik eksperti xəbərdarlıq edir ki, təkcə telefon sahibinin deyil, həmsöhbətin də məlumatları, hətta parolları ifşa olunur.
Ekspert “iPhone”da ixrac edilən “WhatsApp” yazışmalarını təhlil edərkən ciddi təhlükəsizlik boşluqları aşkar edib.
Məlum olub ki, tətbiq vasitəsilə təkcə smartfon sahibinin deyil, onunla danışan şəxslərin də məxfi məlumatlarını əldə etmək mümkündür.
Araşdırmaya görə, hər bir mesaj və media faylı özü ilə birlikdə “meta-məlumatlar” daşıyır. Bura aşağıdakılar daxildir:
-
Geolokasiya aktiv olduqda GPS koordinatları;
-
Foto, video və skrinşotların çəkildiyi yerlər;
-
Qrupların tam tarixçəsi (kim yaradıb, kim nə vaxt daxil olub və çıxıb);
-
“Keychain”də yadda saxlanılan URL-lər, loqinlər və parollar;
-
Quraşdırılmış tətbiqlərin izləri.
Qeyd olunur ki, bu məlumatları əldə etmək üçün telefonu sındırmağa (“jailbreak”) ehtiyac yoxdur.
Kriminalistik yoxlama zamanı sadəcə bir yazışma vasitəsilə müstəntiqlər həm telefon sahibinin, həm də yazışdığı şəxsin (əgər həmin vaxt geolokasiyası açıq olubsa) yerini və fəaliyyətini asanlıqla müəyyən edə bilərlər.
Xuraman Etibarlı
İnterpress.az
