Azərbaycan Respublikasında koronavirus (COVID-19) infeksiyasına 199 yeni yoluxma faktı qeydə alınıb, 74 nəfər müalicə olunaraq sağalıb və evə buraxılıb.
Nazirlər Kabineti yanında Operativ Qərargahdan verilən məlumata görə, COVID-19 üçün götürülən analiz nümunələri müsbət çıxan 2 nəfərə vəfat edib.
Azərbaycanda indiyədək ümumilikdə 337801 nəfər koronavirus infeksiyasına yoluxub. Onlardan 331020 nəfər müalicə olunaraq sağalıb, 4990 nəfər vəfat edib, aktiv xəstə sayı 1791 nəfərdir.
Ölkədə son sutka ərzində 9093, hazırkı dövrədək isə 3886055 test aparılıb.
