Cəlilabad rayonunda ilk dəfə səs verən gənclərlə görüş keçirilib.
İnterpress.az xəbər verir ki, tədbir Cəlilabad rayon Gənclər və İdman idarəsinin təşkilatçılığı ilə reallaşıb.
Belə ki, Azərbaycan Dövlət Pedoqoji Universitetinin (ADPU) Cəlilabad filialında gənclər arasında seçki prosesinin və seçkilərdə iştirakın təbliği, ilk dəfə səs verən gənc seçicilər arasında maarifləndirmə işinin təşkili məqsədilə gənclərlə görüş baş tutub.
Tədbirdə Gənclər və İdman idarəsinin əməkdaşları, ADPU-nin Cəlilabad filialın tələbə və müəllim heyəti, Ombudsmanın Cəlilabad Regional Mərkəzinin rəhbəri, Ağsaqqallar şurasının sədri, DSK-nın nümayəndəsi olmaqla 90 nəfər ilk dəfə səs verən gənc iştirak ediblər.
Tədbirdə iştirakçılara seçici hüquqlarından danışılıb və tələbələrə bu istiqamətdə məlumat verilib.
