İnterpress.az xəbər verir ki, Binəqədi rayonu ərazisində naməlum meyit tapılıb.
Daxili İşlər Nazirliyinin Baş Dövlət Yol Polis İdarəsindən ANS TV-yə verilən məlumata görə, 18 avqust 2015-ci il tarixində Binəqədi rayonu ərazisində yeni Avtovağzal yaxınlığında piyada avtomobillə vurulub.
Nəticədə kimliyi məlum olmayan şəxs hadisə yerindəcə dünyasını dəyişib.
Naməlum meyitin əlamətlərinə gəlincə: boyu 168 sm, arıq bədən quruluşlu, ağ saqqallı var, qaşı və gözü qaradır. Bədənində sağ döş qəfəsi üstündə qız şəkli olan döymə var.
Odur ki, şəkildə bu şəxsi tanıyanlardan və ya onun haqqında məlumatı olanlardan (050) 304-04-03 mobil və ya (012) 590-81-57 şəhər telefonlarına zəng vurmaqla xəbər vermələri xahiş edilir.
İnterpress.az
