ATV-də yayımlanan “Üzbəüz” verilişində qonaq olan Əməkdar artist Cavanşir Məmmədov şəxsi həyatından danışıb.
Müğənni bildirib ki, övladları ailə qursa da, onlarla bir yerdə yaşayır:
“Oğlum da, qızım da bizlə yaşayır. Niyə? Çünki mən tək uşaq olmuşam. Nə bacım, nə qardaşım olub. Ona görə də ev şəraitini elə seçmişəm ki, hamımız bir yerdə qalaq. Başım ağrıyanda dadıma kimsə yetsin. İnsan tək qalanda dərdə düşür. Məsələn, gəlinimiz 10 gündən bir oğluma deyir ki, Cavanşir əmiyə denən, olar atam gilə gedim? Bu qayda-qanunu biz qoymuşuq. İnsan öz valideynlərinin yanına gedəndə çox yüngülləşir”.
