İspaniyada zeytun yağının bahalaşması səbəbiylə oğurluq hadisələrinin artması ilə supermarketlər tədbir görməyə başlayıb.
Bu barədə İnterpress.az xarici mediaya istinadən xəbər verir.
Dünyanın ən böyük zeytun yağı istehsalçısı olan İspaniyada məhsulun litrinin qiyməti 15 avroya yüksəlib.
Supermarketlər kosmetika, içki və elektron cihaz şöbələrində istifadə edilənlərə bənzər zeytun yağı şüşələrinə təhlükəsizlik siqnalları quraşdırmağa başlayıblar.
İspaniyanın cənubunda Əndəlüsdə 30 filialı olan “Tu Super” supermarketlər şəbəkəsinin baş direktoru Ruben Navarro deyib ki, oğurluq hadisələrində ciddi artım var. Zeytun yağı yüksək qiymətlərə görə oğruların hədəfindədir.
