Moskvada yanğın zamanı 8 şi-tsu cinsindən olan it tələf olub.
İnterpress.az xəbər verir ki, bu barədə Rusiya mediası məlumat yayıb.
Moskvanın Maryina Roşa rayonunda baş verən yanğın nəticəsində şi-tsu cinsindən olan 8 it tələf olub.
Məlumata görə, itlərin sahibi olan qadın tozsoranı işə saldıqdan sonra elektrik rozetkası alışıb.
Alov qısa müddətdə yayılıb, qorxuya düşən itlər isə otaqlarda gizləniblər.
Qadın 12 ev heyvanından yalnız 4-nü xilas edə bilib. Digər 8 it isə yanğın zamanı tələf olub.
Xuraman Etibarlı
İnterpress.az
