Bu sözləri keçirdiyi mətbuat konfransında Türkiyənin baş naziri Binəli Yıldırım deyib. O, yaralıların sayının 1491 nəfər olduğunu söyləyib. Çevrilişə cəhd edənlərdən isə 24-ü öldürülüb, 50-si yaralanıb. Saxlanılan şəxslərin sayı 7271-dir.
B. Yıldırım ordu komandanlığının vəzifəsinin başında olduğunu söyləyib: “Vəziyyət nəzarət altına alınıb. Həm hərbi, həm də polis qüvvələrimiz gecə-gündüz vəzifələrini icra edirlər. Parlament sabahdan etibarən normal fəaliyyətini davam etdirəcək” .
Baş nazir konkret ad çəkməsə də, çevriliş cəhdinin arxasında Fətullah Gülənin dayandığına işarə edib: “Bunu edən tam bəllidir. Kainat imamı dedikləri şəxs “bizim xəbərimiz yoxdur, hökumət oyun oynayır” desə də, cümlə aləm həqiqəti bilir. Saxlanılan şəxslər bu işin adresinin hara olduğu çox aydın göstərir”.
B. Yıldırım əhalini orduya pis gözlə baxmamağa da çağırıb: “Bu qurumlarımızın etibarını qorumalıyıq”(apa)
Interpress.az
