ABŞ-ın Arizona ştatında yük maşınının qəzaya uğraması nəticəsində təhlükəli maddə sızması baş verib.
Bu barədə İnterpress.az xarici mediaya istinadən xəbər verir.
Sözügedən qəza Tucson şəhərinin mərkəzindən cənub-şərqdə “I-10” marşrutu üzrə baş verib.
Arizona İctimai Təhlükəsizlik Bölməsi yük maşınından maye azot turşusunun sızdığını müəyyən etdikdən sonra ərazinin 800 metrliyində olan sakinlərə ərazini tərk etməyi və 1,6 kilometr məsafədəki sakinlərə bir neçə saat yerində qalmağı əmr edib.
Qəzada yük maşını sürücüsünün öldüyü açıqlanıb.
Azot turşusu plastik və boya istehsalı üçün gübrələr və ammonium nitrat hazırlamaq üçün istifadə olunur.
