Rusiya fiqurlu konkisürmə federasiyası Qnom Qnomıçın Azərbaycan bayrağı altına keçidini təsdiqləyib.
İnterpress.az xəbər verir ki, bu barədə Rusiya Fiqurlu Konkisürmə Federasiyası (FFKKR) məlumat yayıb.
İkiqat Olimpiya çempionu Yevgeni Plyuşenkonun oğlu Aleksandr Plyuşenko (Qnom Qnomıç) Azərbaycan komandasında yarışacaq.
13 yaşlı idmançı artıq Rusiya Fiqurlu Konkisürmə Federasiyasından (FFKKR) icazə alıb.
Federasiya idmançının bayraq dəyişikliyi ilə bağlı müraciətini müsbət cavablandırıb.
Qeyd edək ki, bu keçid Azərbaycanın fiqurlu konkisürmə sahəsində idman potensialının gücləndirilməsi istiqamətində atılan addım kimi qiymətləndirilir.
İdmançının Azərbaycan yığmasının heyətində hansı yarışlarda debüt edəcəyi yaxın vaxtlarda rəsmi olaraq açıqlanacaq.
Plyuşenkonun akademiyasından daha iki konkisürən də vətəndaşlıqlarını dəyişəcək: Veronika Jilina Azərbaycan adından yarışacaq və Kira Trofimova Belarus bayrağına keçəcək.
Xuraman Etibarlı
İnterpress.az
