Bu gün – fevralın 17-də Azərbaycanda ümumilikdə 8 nəfər olmaqla iki ailə faciəli şəkildə ölüb.
İnterpress.az özəl olaraq gün ərzində baş verən həmin hadisələrlə bağlı məlumatları təqdim edir.
Belə ki, bu gün səhər saatlarında Qusar rayonunda bir ailənin 5 üzvü dəm qazından boğularaq ölüb.
Şəhərin H.Əliyev küçəsində yerləşən çoxmənzilli yaşayış binasındakı mənzillərdən birində baş verən faciəli hadisə zamanı 1987-ci il təvəllüdlü Rusif Şıxov, arvadı 1993-cü il təvəllüdlü Əminə Şıxova və onların 3 azyaşlı uşaqları dünyasını dəyişiblər.
Bu gün axşam saatlarında isə ölkəmizdə daha bir ailə faciəsi baş verib. Belə ki, Bakı-Quba avtomobil yolunun Sumqayıtdan keçən hissəsində ölümlə nəticələnən yol-nəqliyyat hadisəsi qeydə alınıb.
“Mercedes” markalı avtomobil körpüdən aşıb. Qəza nəticəsində bir ailənin 3 üzvü – sürücü 1988-ci il təvəllüdlü Əliyev Seymur Fikrət oğlu, həyat yoldaşı 1999-cu il təvəllüdlü Ələkbərova Fidan Mövsüm qızı və onların övladları 2021-ci il təvəllüdlü Həmzə hadisə yerində ölüb.
Bundan əlavə, gün ərzində daha bir neçə yol-nəqliyyat hadisəsi baş verib. Hadisə nəticəsində daha bir neçə nəfər dünyasını dəyişib.
