Tramp-Bayden teledebatı 27 iyun yerli vaxtla saat 21:00-da ( Bakı vaxtı ilə 28 iyun 05:00) canlı yayımlanacaq.
interpress.az xəbər verir ki, bu barədə SNN məlumat yayıb. Bildirilir ki, hazırkı və keçmiş prezidentlərin görüşəcəyi Tramp-Bayden teledebatı 27 iyun yerli vaxtla saat 21:00-da baş tutacaq.
Tramp-Bayden teledebatı canlı yayımlanacaq.
Debat reklam üçün iki fasilə olmaqla 90 dəqiqə çəkəcək;
Debatı CNN jurnalistləri aparacaq, tamaşaçı olmayacaq, amma Tramp öz gələcək vitse-prezidentini studiyaya gətirmək niyyətindədir;
Baydenin qərargahı podiumda tərəf seçmək qərarına gəlib (sağda), rəqibinin qərargahı isə yekun hissədə çıxışların sırasına qərar verib (debatı bitirəcək);
Hər iki iştirakçıya öz qərargahları ilə əlaqə saxlamaq və çıxışlardan qeydlərdən istifadə etmək qadağan ediləcək;
Müzakirələr ərəfəsində eks-prezident hazırkı liderə davamlı olaraq hücum çəkərək, hazırlaşmaq əvəzinə, “sadəcə yatdığını”, efirdən əvvəl ona güc “iynəsi” vurulacağını deyirdi;
Müstəqil namizəd kiçik Robert Kennedi də debatda iştirak etmək istəyib, Tramp bu məsələdə bitərəf qalıb, Bayden buna qarşı çıxıb;
İkinci debat sentyabr ayına planlaşdırılır, Tramp üçüncünu də israr edib və Bayden kampaniyası bunu rədd edib.
“Rasmussen Reports”un sorğusuna görə, amerikalıların 47%-i Trampın, 37%-i Baydenin qalib gələcəyinə inanır.
Eyni zamanda ABŞ sakinlərinin 63%-i başqa namizədə üstünlük verəcək.
Xuraman Etibarlı
İnterpress.az
