Fransanın paytaxtı Parisin də daxil olduğu İle-de-Frans bölgəsində elektrik enerjisinin kəsilməsi səbəbindən qatarların hərəkəti dayandırılıb.
Bu barədə İnterpress.az xarici KİV-ə istinadən xəbər verir.
Belə ki, Bry-sur-Marnedə qatar xətlərini elektrik enerjisi ilə təmin edən transformatorda nasazlıq yaranıb.
Fasilə səbəbindən Vincennes və Noisy-le-Grand-Mont arasında sərnişin daşıyan RER A xəttində qatarların hərəkəti dayanıb.
Qatarların hərəkətinin dayandırılması ilə əlaqədar sözügedən rayonlara əlavə avtobus reysləri əlavə edilib.
Elektrik nasazlığının hələ də aradan qaldırılmadığı bildirilir.
