Fransanın şimalındakı Saşo kommunasında yerləşən “Stellantis” avtomobil zavodunda 40-dan çox avtomobil yanıb.
Bu barədə “France Press” nəşri yazıb.
Qeyd olunub ki, yanğın nəticəsində ümumilikdə 52 avtomobilə ziyan dəyib, onlardan 42-si tamamilə yanıb. Bunlar yeni istehsal olunan “Peugeot 3008” və “Peugeot 5008” markalı avtomobillərdir.
“Stellantis” avtomobil zavodunun yaydığı bəyanata görə, müəssisənin ərazisinə bir və ya bir neçə şəxs daxil olub: “Onların niyyətlərinin nə olduğunu bilmirik”.
