30 il ərzində Xocalı soyqırımına susan, BMT qətnamələrinin icra olunmamasını görməzdən gələn, milyonlarla insanımızın didərgin düşməsindən danışmayan dövlətlər və təşkilatlar indi cəfəng bəyanatlar, hesabatlar hazırlayır. Bütöv bir sistem, şəbəkə Azərbaycana, Azərbaycan liderinə qarşı fəaliyyətdədir. Həyasızlığın həddi o səviyyədədir ki, hər iki dünya müharibəsinə səbəb olan, tarixə Hitler kimi bir qaniçən diktator verən almanlar öz əməllərinə ar etməyib mediada Azərbaycan liderinə şər atırlar.
Bu fikirləri Avropanın bəzi ölkəlrində Azərbaycana və onun liderinə qarşı atılan böhtan və qarayaxma kampaniyasını şərh edən Azərbaycan Türk Qadınlar Birliyinin və Azərbaycan-Türkiyə Evinin rəhbəri Tənzilə Rüstəmxanlı İnterpress.az-a açıqlamasında səsləndirib.
“Tarix millətlər və xalqlara uyğun onların liderlərini də mahiyyətinə uyğun dəyərləndirir. 100 il öncə dünya imperiyalarına qarşı vətəninin qurtuluş savaşına başlayan Qazi Mustafa Kamal, “Atatürk” adını qazananda işğalçı Qərb bunu anlamadı. Anlaya da bilməzdi! Çünki onların dövlət adamı, rəhbər saydığı şəxslər işğalçılıq, baş kəsmək, imperatorluq, diktatorluqla ad çıxarmışdılar.
Bir liderin millətin xilaskarı olaraq ATA titulunu qazanmasını onlar dərk edə bilməzdi və bu səbəbdən illərlə bu şəxsiyyətə atmadıqları çamur qalmadı. Nəhayətdə XX yüzilliyin adamını seçərkən dünya insanlığı öz seçimini etmişdi. Bu, Türk liderinin bəşəri mahiyyətinin təsdiqi idi.
100 il sonra böyük Qazinin missiyasını təkrarlayan Azərbaycan Prezidentinin Zəfər Savaşı ilə Qalib, Müzəffər Komandan titulu da Avropanı eyni şəkildə qıcıqlandırdı. Afrikada tarixin ən böyük soyqırımını törədən Fransadan tutmuş, ərazisindən min kilometrlərlə uzaqda olan Əfqanıstanı, İraqı, Suriyanı bombalayan ABŞ-a qədər Azərbaycana qarşı bəyanatlar verir”, – siyasətçi deyib.
Tənzilə Rüstəmxanlı 30 il ərzində Xocalı soyqırımına susan Qərbin ölkəmizə və prezident İlham Əliyevə qarşı “canfəşanlığını”, bəyanatlarını cəfəngiyyat adlandırıb.
“30 il ərzində Xocalı soyqırımına susan, BMT qətnamələrinin icra olunmamasını görməzdən gələn, milyonlarla insanımızın didərgin düşməsindən danışmayan dövlətlər və təşkilatlar indi cəfəng bəyanatlar, hesabatlar hazırlayır. Bütöv bir sistem, şəbəkə Azərbaycana, Azərbaycan liderinə qarşı fəaliyyətdədir. Həyasızlığın həddi o səviyyədədir ki, hər iki dünya müharibəsinə səbəb olan, tarixə Hitler kimi bir qaniçən diktator verən almanlar öz əməllərinə ar etməyib mediada Azərbaycan liderinə şər atırlar.
İlham Əliyev QALİB KOMANDANDIR!
İlham Əliyev savaşda ən güclü hərbi məqamında belə dünyaya sülh örnəyi göstərən liderdir! İlham Əliyev hərbi dühasını bir günlük antiterror əməliyyatında bir mülkİ erməninin belə zərər çəkməməsi ilə təsdiqləyən Sərkərdədir! Dünya tarixində rus ordusunu bir güllə atılmadan ölkəsindən çıxaran dövlət rəhbəridir İlham Əliyev! Bütün bunları həzm etməyən anti-türk koalisiyası hər cür siyasi manipulyasiyalara əl atır. Onlar Azərbaycanla Ermənistan arasında qarşıdurma başlayandan bəri qərəzli və ikili mövqedən çıxış ediblər, işğalı həyata keçirən Ermənistanla işğala məruz qalan Azərbaycan arasında fərq qoymadan ədalətsiz mövqe sərgiləyiblər.
Bir fakt gün kimi aydındır; Azərbaycanın ədalətə və beynəlxalq hüquqa söykənən müstəqil siyasəti və onun uğurları əksər hallarda ikili standartları ilə diqqətdə olan ölkələr və beynəlxalq qurumlar tərəfindən qısqanclıqla qarşılanır. Almaniyada mətbuat konfransında Azərbaycanda media azadlığı ilə bağlı suallar da bu planın icraçılarının əməli idi. Qərəzli şəkildə ünvanlanan sualları ətrafı cavablandıran ölkə başçısı bildirdi ki, Azərbaycanda heç bir senzura yoxdur, azad internet, yüzlərlə media qurumu fəaliyyət göstərir. Ona görə Azərbaycanı medianın inkişafını guya əngəlləmək istiqamətində atılmış addımları ilə tənqid etmək ədalətsizlik olardı.
Azərbaycan Prezidenti ölkəsində xalqın iradəsi ilə mütləq gücə sahibdir, hökmlüdür, öz iradəsini yeridəndir, nəzərdə tutduğu məqsədə çatmaq, hansısa layihəni həyata keçirmək üçün əlində olan rıçaqlardan maksimum istifadə edir və hər zaman planını həyata keçirir.
Bunun adı diktatorluq yox, MİLLİ LİDERLİKDİR!!!
Avropalı qafası bunu anlamaz çünki onlar dövlət başında ancaq imperator qaniçənliyini görüblər”, – Tənzilə Rüstəmxanlı fikirini yekunlaşdırıb.
