Yəmənin “ikinci” hökuməti Livandan Nəsrullahın dəfn mərasimi zamanı husi liderlərinin həbsini tələb edib.
İnterpress.az xəbər verir ki, bu barədə bu hökumətin informasiya naziri əl-Eryani məlumat verib.
Husilərə düşmən olan Yəmənin “ikinci” hökuməti Livandan Hizbullahın keçmiş lideri Nəsrullahın dəfn mərasimində iştirak etmək üçün ölkəyə gələcək Yəmən Husilər Ənsar Allah təşkilatının yüksək rütbəli üzvlərini həbs etməyi tələb edir.
Əl-Eryaninin sözlərinə görə, bu, təkcə yuxarıda qeyd olunan mərasimdə iştirak deyil, çox güman ki, “İran oxunun ona vurulan zərbələrdən sonra sıralarının yenidən təşkili kontekstindəki hərəkətlərdir”.
Əl-Eryani həmçinin beynəlxalq ictimaiyyəti hadisədən regionda öz təsirlərini genişləndirmək üçün istifadə edən Husi liderlərinin hərəkətini məhdudlaşdırmaq üçün sərt tədbirlər görməyə çağırıb.
Qeyd edək ki, Nəsrullahın dəfn mərasimi fevralın 23-də Livanda keçiriləcək.
Xuraman Etibarlı
İnterpress.az
