Fransa yığmasının hücumçusu Kilian Mbappe ölkənin Futbol Federasiyasının rəhbəri Noel Le Qreyin mütəxəssis Zinəddin Zidan barəsində açıqlamasına münasibət bildirib.
Mbappe bu barədə tviterdəki hesabında yazıb.
“Zidan Fransadır, biz əfsanəyə o qədər də hörmətsiz yanaşmırıq…” Mbappe sosial şəbəkədə qeyd edib.
Le Qre daha əvvəl Zidanın telefon zənginə cavab verməyəcəyini deyib.
Qeyd edək ki, Zidan 2016-2018-ci illərdə “Real Madrid”in baş məşqçisi olub, 2019-cu ildə yenidən “Real Madrid”ə qayıdıb. Paytaxt klubu onun rəhbərliyi altında iki dəfə İspaniya çempionu (2016/17, 2019/20), iki dəfə ölkə Superkubokunun qalibi (2017, 2019/20), üç dəfə Çempionlar Liqasının (2015/16, 2016/) qalibi olub. Habelə iki dəfə UEFA Super Kubokunu (2016, 2017) və iki dəfə klublararası dünya kubokunu (2016, 2017) qazanıb.
Zidan üç dəfə FİFA tərəfindən ilin ən yaxşı oyunçusu seçilib.