Nokia 2022-ci ilin sonunda başa çatan köhnə müqavilədən sonra Samsung ilə yeni çapraz lisenziya müqaviləsi imzalayıb.
Bu barədə İnterpress.az yerli mediaya istinadən xəbər verir.
Fin şirkətinin bəyanatına görə, Samsung 2023-cü il yanvarın 1-dən Nokia-nın 5G və digər texnologiyalarından istifadə üçün çoxillik ödəniş edəcək.
Açıqlamada müqavilənin şərtlərinin məxfi qalacağı bildirilib.
Nokia müqavilənin şirkətin əvvəlki uzunmüddətli perspektiv bəyanatına uyğun olduğunu açıqlayıb.
