Türkiyənin İzmir şəhərində dəhşətli zəlzələnin dağıntıları altından əllərində tibbi əlcək olan iki qadının meyiti çıxarılıb.
DHA xəbər verir ki, onların hər ikisi diş həkimi olublar.
Əsli Taner və Zərifə Doğan Rza Bəy binasının birinci mərtəbəsində işlədikləri zaman dağıntılar altında qalaraq həyatlarını itiriblər.
Xatırladaq ki, zəlzələ qurbanlarının sayı 100-ə çatıb.
Yaralanan 994 nəfərin 847-si xəstəxanadan evə buraxılıb. 147 nəfərin müalicəsi davam etdirilir.
Reanimasiyada olan 10 xəstədən üçünün vəziyyəti ağırdır.
Axtarış-xilasetmə tədbirlərinin 17 binanın 12-də tamamlandığı, beşində isə davam etdiyi bildirilir.
İnterpress.az
