Serbiya ordunun modernləşdirilməsinə, o cümlədən Fransanın “Rafale” qırıcılarının mümkün alışı üçün xərcləri artıracaq, çünki beynəlxalq sanksiyalar səbəbindən Rusiyanın “MiQ-29”larının saxlanılması çətinləşib.
Bunu Serbiya prezidenti Aleksandr Vuçiç deyib.
Onun sözlərinə görə, keçən ilin fevralından sonra Rusiyanın “MiQ-29” qırıcılarının ehtiyat hissələrinin alınması demək olar ki, mümkünsüz olub: “Hazırda Rusiyadan demək olar ki, heç nə və ya hərbi təyinatlı hər şeyi idxal edə bilməzsiniz”.
Serbiya prezidenti onu da əlavə edib ki, ordu xeyli güclənməlidir. O, digər Avropa ölkələrinin artıq hərbi büdcələrini artırdığını vurğulayıb.
