Fevralın 6-da Türkiyədə baş vermiş zəlzələlər zamanı dağıntılarla üzləşən Adıyaman şəhəri köçürüləcək.
Bu barədə İnterpress.az yerli mediaya istinadən xəbər verir.
Belə ki, Adıyamanın bir hissəsi başqa bölgəyə köçürüləcək.
Şəhərin şimalındakı dağlıq ərazidə 30 min yeni ev tikiləcək.
Rəsmi məlumata görə, hazırda ən azı 30 min, 50 min evin inşası nəzərdə tutulur.
Adıyaman şəhər mərkəzində 1166 bina tamamilə dağılıb, zəlzələdən zərər görən 6108 binanın söküləcəyi müəyyən edilib.
