R. Dadaşovun sözlərinə görə, S. Hüseynova uzun müddət xəstə olub: “Ürək xəstəliyindən əziyyət çəkirdi. Həm də başqa xəstəlikləri də var idi”.
Qeyd edək ki, S. Hüseynova 1926-cı ildə Bakıda doğulub. Onun anası Xədicə Qazıyeva Naxçıvanın ilk aktrisası olub. S. Hüseynova orta məktəbi Naxçıvanda bitirib. Anasının tövsiyəsi ilə 1944-cü ildən teatrın truppasına daxil olub. 1945-ci ildə qısa müddət Zaqatala teatrında işlədikdən sonra yenə Naxçıvana qayıdıb. Aktrisa 1 iyun 1974-cü ildə əməkdar artist, 1 dekabr 1982-ci ildə xalq artisti fəxri adları ilə təltif olunub.
Onu da qeyd edək ki, S. Hüseynova Azərbaycanın xalq artisti Məlik Dadaşovun həyat yoldaşı olub.
Allah rəhmət eləsin!
İnterpress.az
