İnterpress.az xəbər verir ki, bu iddia ilə İngiltərədə yayımlanan “Daily Telegraph” qəzeti çıxış edib.
Qəzetin yazdığına görə, danışıqlar gizli aparılır. Bununla belə PKK liderlərindən olan Cəmil Bayık öz müsahibəsində “Mesajlar gedib-gəlir, toplantılar keçirilir, məktublaşmalar var və bu əlaqə inkişaf edir” deyə vurğulayıb.
Cəmil Bayıkın sözlərinə görə, ABŞ-ın Türkiyə ilə PKK arasında vasitəçi olması mümkündür: “Bizə zəmanət verilərsə, üzərimizə düşən rolu yerinə yetirərik. Ancaq zəmanət verilməsə, təktərəfli addım ata bilmərik. Əgər Amerika Türkiyənin siyasətini dəstəkləməyə davam edərsə, kürdləri itirəcək. Əgər Amerika kürdləri itirərsə, o zaman İŞİD-i məğlub etməsi də çətinləşir”.
İnterpress.az
