Ləğv edilən MTN-lə bağlı mediaya sızan bir-birindən ilginc məlumatlar ictimaiyyəti hər ötən gün bir az da sarsıtmaqda, dəhşətə gətirməkdədir.
Uzun illər ərzində dövlətin onlara verdiyi yetkidən dövlətin sütunlarını sıradan çıxarmaq, şəxsi maraq və mənfəətlərini təmin etmək üçün istifadə edən Eldar Mahmudov komandası ilə bağlı bu günlərdə Moderator.az-a daha bir tükürürpədici informasiya daxil olub.
Özəl mənbədən daxil olan məlumata görə, şantaj, fiziki və psixoloji təzyiq üsullarından istifadə edərək külli miqdarda pul qazanan sabiq MTN rəhbərliyi “ayağı sürüşkən” evli qadınlardan da böyük həvəslə “çörək pulu” çıxarıb. Dövət maraqları, milli maraqlar üçün təhlükə kəsb edən şəxsləri nəzarətə götürmək əvəzinə bu cür qadınları nəzarətə alan komandanın bu qadınlardan necə pul qazanması isə olduqca maraqlı və bir o qədər də ikrahedicidir.
MTN evli, varlı və “ayağı sürüşkən” qadınların sorağında
Mənbənin sözlərinə görə, MTN bu cür qadınlardan pul qazanmaq üçün öncə onlara lazım olan xüsusiyyətləri özündə birləşdirən qadınlar axtarıb tapırdı. Hansı ki, bu qadınlar özündə üç əsas xüsusiyyəti birləşdirməli idi. Belə ki, onlar imkanlı olmalı, evli olmalı və “kənar sevgiliyə” malik olmalı idilər.
Bütün bu xüsusiyyətləri özündə birləşdirən qadınlar təsbit edildikdən sonra onların üzərində sözün həqiqi mənasında əməliyyat işi qurulurdu. Belə ki, yetkililərdən birinin rəhbərlik etdiyi əməliyyat qrupu həmin qadının və onun görüşdüyü kişinin əlaqə nömrələrini nəzarətə götürür, danışıqlarını qeydiyyata alır, görüş yerlərini müəyyənləşdirir, bu şəxslərlə bağlı audio-video faktlar əldə edir, sevişmə səhnələrini lent vasitəsi ilə “əbədiləşdirirdi”.
Yetərincə fakt əldə etdikdən sonra isə həmin şəxslərin hər ikisinə ayrı-ayrılıqda əlaqə saxlanılır, onlardan külli miqdarda pul tələb edilirdi. Bildirilirdi ki, əgər tələb edilən pul lazımi vaxtda çatdırılmasa, o zaman onların sevişmə səhnələrinin əks olunduğu videolar internetdə yayımlanacaq, bu kasetlər onların ailərinə, iş yoldaşlarına, yaxın qohumlarına göndəriləcək.
Mənbənin sözlərinə görə, MTN-nin tələsinə düşən, bu hədədən sarsılan, ailələrinin dağılacağından, rüsvay olacaqlarından, iş və ictimai kariyerlərinin bitəcəyindən qorxan şəxslər bir qayda olaraq MTN-nin tələbləri ilə razılaşmaq və bundan sonrakı ömürlərini hər an ifşa olunmaq qorxusu altında yaşamalı olublar.
Yüzlərlə qadın və kişinin bu cür şantaja məruz qaldğını bildirən mənbənin sözlərinə görə, onların arasında yüksək siyasi postlarda çalışan, iş və biznes dünyasının ulduzları olan şəxslər də olub ki, bu şəxslər hələ də həmin videoların ictimailəşəcəyi qorxusu ilə yaşayırlar.
Mövzunu davam etdirəcəyik…
1.MTN sevgi səhnələrini necə, hansı texnologiya vasitəsi ilə “əbədiləşdirib”?
2.MTN rəhbərliyi “seks gecələri”nə görə öz əməkdaşlarından niyə pul yığıb?
3.Şantaja məruz qalan qadınlar sadəcə pul verməklə canlarını qurtara bilibmi?
4.Əməliyyat qrupu “suçüstü” əməliyyatlarını hansı ad altında gerçəkləşdirib?
5.”Əməliyyat xərci” şantaj puluna bonus olaraq necə əlavə edilib?
İnterpress.az
