80 yaşlı nənə ev başmaqlarına görə 4 il azadlıqdan məhrum edilib.
İnterpress.az xəbər verir ki, bu barədə Türkiyə mediası məlumat yayıb.
Dənizlidə nənə axşam saatlarında nəvəsinin evdən çıxmasına icazə verməyib. O, qapını bağlayıb və başmaq ilə onun əlinə vurub.
Buna cavab olaraq 18 yaşlı Asiye Vural nənəsinin başına telefonla zərbə endirib.
Nənə xəstəxanaya, nəvə polis bölməsinə aparılıb. Hər ikisi bir-birindən şikayət etməyiblər.
Şikayətlərin olmamasına baxmayaraq, ictimai cinayət işi açılıb.
Nəticədə “azadlığın məhdudlaşdırılması” və işdə təsir vasitəsinə bərabər tutulan obyektdən istifadə etdiyinə görə nənəyə 4 il 2 ay cəza verilib.
Ailə hazırda apellyasiya məhkəməsinin qərarını gözləyir.
Nənə deyir: “80 yaşım var, orada necə yaşayacağam?.. Bunun mümkün olduğunu bilmirdim”.
Nəvəsi isə “Hər şeyin belə olmasını istəməzdim. Bunu heç kimə arzulamıram” deyib.
Xuraman Etibarlı
İnterpress.az
