Bakıda ticarət mərkəzinə bomba qoyulması barədə məlumat yalan çıxıb.
Bakının mərkəzindəki tanınmış ticarət mərkəzində partlayıcı qurğu olması barədə əlaqədar qurumlara müraciət daxil olub.
APA TV-nin məlumatına görə, hadisə paytaxtın Nəsimi rayonu ərazisində, “28 Mall” ticarət mərkəzində baş verib. Partlayıcı olması barədə məlumat daxil olduqdan dərhal sonra əraziyə Fövqladə Hallar Nazirliyinin xilasetmə qüvvələri, istehkamçılar, polis əməkdaşları, təcili yardım briqadaları cəlb edilib.
Ticarət mərkəzinin partlayıcının olduğu bildirilən hissəsinə giriş məhdudlaşdırılıb, istehkamçılar axtarışlara başlayıblar.
Axtarış işləri 1 saata yaxın davam edib. APA TV-nin əldə etdiyi məlumata görə, ticarət mərkəzinə bomba qoyulması ilə bağlı məlumat təsdiqlənməyib.
***
Fövqəladə Hallar Nazirliyinin mətbuat xidmətindən verilən məlumata görə, Bakının Nəsimi rayonunun ərazisində fəaliyyət göstərən \”28 Mall\” Ticarət Mərkəzinə bir nəfər zəng vuraraq obyektə dostu tərəfindən bomba qoyulması barədə məlumat verilib.
Dərhal hadisə yerinə Fövqəladə Hallar Nazirliyinin əməkdaşları və hüquq-mühafizə orqanlarının əməkdaşları cəlb edilib, insanlar ticarət mərkəzindən təxliyə edilib.
İnterpress.az
