Sumqayıtda şəhidi belə qarşıladılar – VİDEObackend

Sumqayıtda şəhidi belə qarşıladılar – VİDEO

  • whatsapp
  • messenger
  • telegram
  • vkontakte
  • odnoklassniki

Belə ki, Ağdamda yerləşən hərbi hissənin keçmiş komandiri, polkovnik Raqub Cahangir oğlu Orucov bu gün Tərtər istiqamətində gedən döyüşlərdə ağır yaralanıb.
Gəncə şəhərində hərbi hospitala yerləşdirilsə də, orada dünyasını dəyişib.
Mərhumun cənazəsi gecə saatlarında yaşadığı ünvana – 14-cü məhəlləyə (Şahmat klubunun arxasındakı binaya) gətirilib. Şəhər sakinləri şəhidin nəşini qarşılamaq üçün bir araya toplaşıb. Sumqayıt sakinləri şəhidi böyük qürur və iftixar hissi ilə qarşılayıb.
Şəhidin yaşadığı binanın qarşısında böyük izdiham yaşanıb.
Qarşılamada Sumqayıt şəhər rəhbərliyi və zabitlər də iştirak edib. Gənclər hər an Azərbaycan əsgərinin yanında olduqlarını, Azərbaycan Respublikası Silahlı Qüvvələrinin Ali Baş Komandanı əmr verərsə, ön cəbhəyə gedib doğma torpaqlarımızı azad edənədək vuruşmağa hazır olduqlarını bildiriblər. Azərbaycan dövlət himni oxunub, \”Şəhidlər ölməz, Vətən bölünməz”, \”Yaşasın Qarabağ, yaşasın Azərbaycan!”, \”Qarabağ bizimdir, bizim olacaq”, \”Azərbaycan əsgəri, keç səngərdən irəli” şüarları səsləndirilib. Sonra yüzlərlə gənc şəhərin Səməd Vurğun küçəsi boyunca Şəhidlər Xiyabanına doğru yürüş ediblər. Azərbaycanın ərazi bütövlüyü uğruna həlak olan igidlərimizin xatirəsi yad edilib. Qeyd edək ki, R. Orucov bu gün Sumqayıt şəhər Şəhidlər Xiyabanında dəfn olunacaq. (xeberle.com)

İnterpress.az