Beynəlxalq Ədalət Məhkəməsində (ICJ) keçirilən iclasda Çin İsrailin uzunmüddətli işğalı ilə öz müqəddəratını təyinetmə hüququndan məhrum etdiyi Fələstinin xarici işğala qarşı silahlı mübarizə də daxil olmaqla, güc tətbiq etmək hüququna malik olduğunu vurğulayıb.
Bu barədə interpress.az xarici mediaya istinadən xəbər verir.
Hollandiyanın inzibati paytaxtı Haaqadakı Sülh Sarayında fəaliyyət göstərən Beynəlxalq Ədalət Məhkəməsində (ICJ) İsrailin işğal etdiyi Fələstin ərazilərindəki tətbiqlərinin hüquqi nəticələrinin müzakirə olunduğu dinləmə davam edir.
Dinləmədə Çin adından çıxış edən Xarici İşlər Nazirliyinin hüquq müşaviri Ma Şinmin Fələstin probleminin yarım əsrdir ki, davam etdiyini və Fələstin xalqının nəsillər boyu çəkdiyi əzablara baxmayaraq, bir ümid işığı tapa bilmədiklərini bildirib. Ədalət bərqərar edilməli və onların qanuni hüquqları bərpa edilməlidir. İşğalın iki dövlətli həllin əsasını davamlı olaraq aşındırdığına və Birləşmiş Millətlər Təşkilatının (BMT) müvafiq qətnamələrinin effektiv şəkildə həyata keçirilə bilmədiyinə diqqət çəkən Ma bildirib ki, İsrailin uzunmüddətli işğalında tətbiq etdiyi təzyiq siyasəti və tətbiqləri Fələstin torpaqları Fələstin xalqının öz müqəddəratını təyinetmə hüququnu tam həyata keçirməsinə mane olub.
Ma Fələstin xalqının İsrail zülmünə qarşı işğal etdiyi torpaqlarda müstəqil dövlət qurmaq üçün mübarizə apardığını və bunun öz müqəddəratını təyinetmə hüququnu yerinə yetirmək üçün qanuni bir mübarizə olduğunu vurğulayıb.
