ABŞ-da prezident seçkiləri üçün geri sayma davam edərkən, kritik həddi keçilib.
Bu barədə interpress.az xarici mediaya istinadən xəbər verir.
Prezident Bayden və keçmiş prezident Tramp partiyalarının prezidentliyə namizədi olmaq üçün kifayət qədər nümayəndə toplayıb. Əgər partiya qurultaylarına qədər hər hansı səbəbdən geri çəkilməsələr, “xələf” və “sələf” növbəti dəfə Ağ Ev uğrunda mübarizə aparacaq. ABŞ prezident seçkiləri üçün kritik həddi keçib. Demokratlar Partiyasında prezident Bayden və Respublikaçılar Partiyasında keçmiş prezident Tramp prezidentliyə namizəd olmaq üçün kifayət qədər nümayəndə sayına çatıb.
Partiyalar iyul və avqust aylarında prezidentliyə namizədlərini açıqlayacaqlar.
Bayden və Tramp hər hansı səbəbdən geri çəkilməsələr, bu, 68 ildə bir ilk olacaq və eyni namizədlər yenidən qarşı-qarşıya gələcəklər.
1956-cı ildə ABŞ-da keçirilən prezident seçkilərində Respublikaçılar Partiyasının namizədi Duayt Eyzenhauer və Demokrat Partiyasının namizədi Adlai Stivenson ikinci dəfə üz-üzə gəliblər.
Eyzenhauer ikinci dəfə Stevensonu məğlub edib.
Ölkənin 22-ci prezidenti Qrover Klivlend Tramp kimi 1884-cü ildə qalib gəlib, 1888-ci ildə məğlub olduqdan sonra 1892-ci ildə yenidən namizəd olub.
Klivlend üçüncü seçkilərində qalib gəlib.
Bu nümunələrdə qaliblərə baxsaq, tarix həm Baydenə, həm də Trampa göz vurur.
Ancaq sorğular göstərir ki, seçicilər heç birinə gözünü qırpmır.
Keçən ildən bəri aparılan sorğularda iştirak edənlərin yarıdan çoxu hər iki partiyanın namizədi kimi başqa adları görmək istədiklərini bildiriblər.
Tramp və Baydenin populyarlığı 30 faizdən çox ola bilməz.
Respublikaçılar qrupu Baydeni kobud səhvlərinə, daxili və xarici siyasət addımlarına görə tənqid edir.
Demokratlar isə Trampı ABŞ-ın fundamental dəyərlərinə təhlükə kimi görürlər.
Müstəqillər hər iki adına üstünlük vermirlər.
Vaşinqtonun kulislərində prezidentliyə namizədliyin son ana qədər sürpriz olacağını gözləyənlər var.
2025-ci ildən Ağ Evdə kimin oturacağını müəyyənləşdirəcək prezident seçkiləri noyabrın 5-də keçiriləcək.
