Yunanıstanın paytaxtı Afinada həkimlər və səhiyyə işçiləri dünəndən başlayan bəzi dövlət xəstəxanalarında ödənişli adi cərrahiyyə əməliyyatına etiraz ediblər.
Bu barədə interpress.az xarici mediaya istinadən xəbər verir.
Afinadakı Evangelismos xəstəxanasına toplaşan nümayişçilər şüarlar səsləndirərək, iş saatları xaricində rutin cərrahiyyə əməliyyatlarının aparılmasına qarşı olduqlarını bildiriblər.
Nümayişçilərin oxuduğu bəyannamədə səhiyyə sisteminin bu təcrübə ilə özəlləşdirildiyi bildirilib və “Hər kəsin səhiyyə sisteminə daxil olmaq hüququ var” deyilib.
Açıqlamada dövlət xəstəxanalarında çalışan həkimlərin xəstələri heç vaxt müştəri kimi görməyəcəyi vurğulanıb.
