Rusiya hakimiyyət xalqı tam səfərbərliyə hazırlayır.
İnterpress.az xəbər verir ki, bu barədə Dövlət Dumasının Müdafiə Komitəsinin üzvü, general-leytenant Viktor Sobolev bildirib.
Dövlət Duması Rusiyanın Ukraynaya müharibə elan etməsi ehtimalını müzakirə edir. Sonra hər cür gecikmələri istisna edən səfərbərlik həyata keçiriləcək.
“Müharibə zamanı səfərbərlik səfərbərlikdir. Burada heç bir gecikmə ola bilməz. Əks halda, səfərbərlik resursumuzu xeyli azaldacağıq və döyüşəcək heç kim olmayacaq”, – Sobolev deyib.
O, aydınlaşdırıb ki, hər kəs müharibəyə gedəcək, hətta Mərkəzi Asiya ölkələrindən çox uşaqlı yeni vətəndaşlar belə.
Əslində, bu səbəbdən Dövlət Dumasının Müdafiə Komitəsi üç və ya daha çox uşaq atalarına möhlət verilməsini nəzərdə tutan qanun layihəsinin rədd edilməsini tövsiyə edib.
Sobolevin sözlərinə görə, müharibə elan olunarsa, yalnız hərbi sənaye kompleksinin işçiləri, eləcə də ölkənin ərzaq təhlükəsizliyini təmin edənlər rezervasiyalara arxalana biləcəklər.
Xuraman Etibarlı
İnterpress.az
